જસદણના ગોખલાણા નજીક ગોઝારો અકસ્માત: કાર અને બોલેરો વચ્ચેની ભયાનક ટક્કરમાં બે પિતરાઈ ભાઈઓના કરુણ મોત

રિપોર્ટ - કિશન પ્રજાપતિ જસદણ 

જસદણના ગોખલાણા ગામ નજીક ગમખ્વાર અકસ્માત સર્જાયો છે. કાર અને બોલેરો વચ્ચે થયેલા ગંભીર અકસ્માતમાં બે યુવકોના ઘટના સ્થળે મોત નિપજ્યા હોવાનું સામે આવ્યું છે. જ્યારે ત્રણ લોકો ઇજાગ્રસ્ત થતા તેમને તાત્કાલિક સારવાર માટે આટકોટની કે.ડી. પરવાડિયા હોસ્પિટલ ખાતે ખસેડવામાં આવ્યા છે.

મૃતકોની ઓળખ જસદણ તાલુકાના ગોખલાણા ગામના ઘનશ્યામ મઘા બેરાણી અને રાજેશ ભાયા બેરાણી તરીકે થઈ છે. બંને પિતરાઈ ભાઈઓ હોવાનું પણ જાણવા મળી રહ્યું છે. અકસ્માત બાદ બંને મૃતદેહોને પોસ્ટમોર્ટમ અર્થે ખસેડવામાં આવ્યા છે.ઘટનાની જાણ થતા જસદણ પોલીસ કાફલો સ્થળ પર પહોંચ્યો હતો અને સમગ્ર અકસ્માત અંગે વધુ તપાસ હાથ ધરી છે.