જસદણમાં જન શક્તિ ફાઉન્ડેશન દ્વારા સર્વ જ્ઞાતિના સમૂહ લગ્નનું આયોજન

રિપોર્ટ - કિશન પ્રજાપતિ જસદણ 

રાજકોટ જિલ્લાના જસદણ ખાતે જન શક્તિ ફાઉન્ડેશન દ્વારા સર્વ જ્ઞાતિના સમૂહ લગ્નનું ભવ્ય આયોજન કરવામાં આવ્યું છે. સમાજમાં એકતા, સહકાર અને સેવા ભાવનાને પ્રોત્સાહન આપતા આ સમૂહ લગ્ન કાર્યક્રમમાં 11 જેટલા દંપતીઓ પ્રભુતામાં પગલા પાડશે.

જન શક્તિ ફાઉન્ડેશન દ્વારા વર્ષોથી વિવિધ સામાજિક અને સેવાકીય પ્રવૃત્તિઓ કરવામાં આવી રહી છે, ત્યારે ફરી એકવાર સમાજ માટે સરાહનીય કામગીરી હાથ ધરવામાં આવી છે. આ સમૂહ લગ્ન કાર્યક્રમના આયોજનને લઈને લોકોમાં ઉત્સાહનો માહોલ જોવા મળી રહ્યો છે.આવતા રવિવારના રોજ સાંજે 5 કલાકે સમૂહ લગ્ન કાર્યક્રમ યોજાનાર છે, જેમાં મોટી સંખ્યામાં આગેવાનો, મહેમાનો અને સમાજજન ઉપસ્થિત રહેવાના છે.