ઓલપાડ પોલીસનો સપાટો: સાયણ વિસ્તારમાં થયેલ મોટી ચોરીનો ભેદ ઉકેલાયો.

ઓલપાડ પોલીસ એક્શન મોડમાં જોવા મળી રહી છે. સાયણ વિસ્તારમાં આવેલ એક કંપનીમાં થયેલ કોપર વાયરની ચોરીના ગુનાનો ઓલપાડ પોલીસે ગણતરીના કલાકોમાં પર્દાફાશ કરી બે રીઢા તત્વોની ધરપકડ કરી છે.

(ઘટનાની વિગત)

વિગતો મુજબ, પરિયા ગામે આવેલ અંજની ટેક્સટાઇલ્સ પાર્કની 'માર્કલોન ટેક્સ ઇન કંપની'ને તસ્કરોએ નિશાન બનાવી હતી. આ કંપનીમાંથી આશરે ₹1.35 લાખની કિંમતના કોપરના વાયરની ચોરી થતા વિસ્તારમાં ચકચાર મચી ગઈ હતી. ઘટનાની જાણ થતા જ ઓલપાડ પોલીસ કાફલો તપાસમાં જોડાયો હતો.

(પોલીસ તપાસ અને ધરપકડ)

ગુનાની ગંભીરતાને જોતા પોલીસે આધુનિક ટેકનોલોજી અને હ્યુમન સોર્સીસનો સહારો લીધો હતો. આસપાસના CCTV ફૂટેજ તપાસતા એક શંકાસ્પદ રિક્ષા નજરે પડી હતી. આ રિક્ષાના નંબર GJ-05-CV-7154 ના આધારે પોલીસે તપાસનો ધમધમાટ તેજ કર્યો અને આખરે ચોરીનો ભેદ ઉકેલી નાખ્યો.

પોલીસે આ મામલે બે આરોપીઓની ધરપકડ કરી છે:

પ્રકાશ જેસલભાઈ પટણી

નિતેશભાઈ કલ્યાણભાઈ સોલંકી

પોલીસે આરોપીઓ પાસેથી ચોરીમાં ઉપયોગમાં લેવાયેલ ઓટો રિક્ષા પણ કબજે કરી છે. ઓલપાડ પોલીસની આ સતર્કતા અને ઝડપી કામગીરીને પગલે સ્થાનિક રહીશો અને વેપારી આલમમાં પોલીસ પ્રત્યે પ્રશંસાની લાગણી જોવા મળી રહી છે.